November 21, 2025: Ekta Awareness aru Registration Drive conduct kurishey, itu Pradhan Mantri National Apprenticeship Promotion Scheme (PM-NAPS) opor tey, Government Industrial Training Institute, Kohima tey para, 21st November, 2025 tey.
Employment, Skill Development & Entrepreneurship laga Director – Savio Visa para welcome address deliver kurishey tai laga warm greetings extend kurishey, itu sob distinguished guest khan ke. Tai para itu Skill Development aru Entrepreneurship laga Regional Directorate, Indian Institute of Entrepreneurship (IIE) laga resource person khan aru National Skill Development Corporation (NSDC), Sector Skill Council khan laga jawan member khan, jawan trainee khan aru participate kuria establishment khan laga samney tey. Tai para khushi thaka laga express kurishey, itu establishment khan laga, itu homoi loa nimitey, itu programme tey attend kuriboley karney.
Itu significant tey kotha kuri kena, itu event laga, Visa para koishey itu programme toh hoiley ekta important milestone mark kurey, Nagaland laga skill ecosystem majbut kuriboley. Tai para note kurishey ki, itu state toh tey talent thaki kena asey aru youth khan motivate thaki kena asey, hoilebi formal training aru real duniya laga industry experience majetey gap thaki kena asey.
Tai para highlight kurishey, itu PM-NAPS under tey, itu India laga Government toh hoiley ekta strong framework introduce kurishey, industry khan ke encourage kuriboley, apprentice khan ke engage kuriboley, financial incentive, flexibility, aru digital support khan offer kuriboley, itu PM-NAP portal para.
Visa para koishey, itu session tey presentation khan, hands-on registration khan thaki kena asey, itu PM-NAP portal tey aru networking interaction khan opor tey, Sector Skill Councils aru Third-Party Aggregator khan logotey, kuntu khan toh hoiley clarity aru support provide kuriboley design kuria laga asey, sob stakeholder khan karney.
Add Comment