AIZAWL, January 28: Mizoram Governor Kummanam Rajasekharan pora Saturday te koise ki Mizoram Village Level Citizen Registration koribo nimite state laga border ke pajaibole ekdum gara kadam lobo.
Tai pora etu toh 70th Republic Day deyohar khali Assam Rifles ground te kotha koriaya samoy te koise. Etu ground khali howa toh sobse dangor NGO body pora Citizenship (Amendment) Bill logote khilaf Republic day namanaibole kowa nimmite hoise .
Etu Governor pora tai lafga speech te koise ki government pora maksat rakhibo ki India aro bahar te thakiya Mizo manu khan majote mon mila rakhibo karne.
“Drugs aro sharabi logote larai koribole civil society laga modot loikena besi kosish koribo. Etu Mizoram Liquor (Control & Prohibition) Act, 2014 ke hatabole besi kadam lobo.”
Rajasekharan pora koise ki rasta bhal bona toh government karne sobse dangor chanautee thakise. “Government toh bhitorlaga rasta aro aalag state logote mila rasta bhal koribole maksat ase.”
Tai pora koise ki government pora sports nimite infrastructure bonaibole sobse dangor maksat rakhibo.
Add Comment