Agartala, December 2, 2025: Tripura laga Chief Minister Manik Saha para koisha ki state teh infiltration nahoi ne exfiltration ( chari ken a chai ase) hei bishi dekhei ase koisha India-Bangladesh border teh. Tripura toh geographically vulnerable ase Bangladesh logo teh. Tinta side para surround kurei Bangladesh toh Tripura ge. Enia hoile wei Bangladesh manu ahei ge toh bangladesh manu khan ge bahar kurei hei borta ho ase koisha CM para.
Offical Statement ekta teh paisha ki Border Security Force (BSF) para 57 Rohinga manu illegally para ahei aro 628 bangladeshi manu durisha 2024 laga sal teh.
CM Manik para BSF khan ge koisha ki manu kun illegally border toh par kurei sha etu khan ge wapas phatai diwi Border Guards Bangladesh khan lo teh khota kurei piche. Saha para aro koisha ki centre para infiltration laga opor teh strong stance otha ase. Hoile wei Tripura laga 856 km lamba international border sawole dikdar ase koisha taila geographical location karne.
Bishi jaga teh toh ucha aro khata mati ase aro nodi toh bishi dur jai. Etu jaga khan teh barbed-wire fencing laga wole dik dar hoijai. Enea duk paile wei BSF khan mun dei ne kam kurei ase border ge secure rukhei wole.
Reports khan teh paisha ki Special Intensive Revision electoral laga rolls karne kumba states khan teh exfiltration shuru kurisha. CM para wei koisha ki manu kun naklei kagos cholai ne India teh buhei ase jai ja ase koisha.
Add Comment