IANS | Guwahati, Jan 28: Ekjun Special CBI judge pora Monday te 15 jun manu ke pura state te October 30, 2008 serial blasts laga mamla pora convict(galdi maanikena sajai dibole fesla) korise, tate National Democratic Front of Bodoland (NDFB) chairman Ranjan Daimary milai kena, etu sajai kiman dangor thakibo etu toh Wednesday te kobole ase.
Daimary toh serial blasts pora 88 jun laga opor te moriya aro 540 jun laga opor te jokhom powa laga asol gabtari ase. Etu blast toh Guwahati laga Ganeshguri, Panbazar aro Kachari areas aro Barpeta, Kokrajhar aro Bongaigaon te ekki samoy te hoise.
Central Bureau of Investigation 22 jun manu logote khilaf charge-sheet file korise, 2009 laga NDFB chief bi thakise. Etu charge-sheet te 650 witnesses laga naam bi dise aro 682 documents halise.
Daimary toh etu bicche te Bangladesh te thorise aro Indian authorities laga haat te May 2010 te dise.
Daimary, konke D.R. Nabla koikena bi jaani thakise, pora Boro Security Force toh October 3, 1986 te bonaise aro olop thaki kena naam toh NDFB ke podli korise. Etu bhitor manu khan Indian government logote 2005 te ceasefire agreement loise hoilebi besi bar etu laga khilaf kam korise.
Add Comment