Aizawl, December 4, 2025: December 2, Tuesday din te. Excise & Narcotics Department aru 14th Battalion Assam Rifles khan mili kina operation kurishe koishe. Etu toh Lalen Veng te ase koishe. Aru etu toh Champhai District bitor te ase.
Yete Authorities khan para 5 kg aru 555 grams laga Methamphetamine toh durishe koishe. Yete 55,000 tablets nishina thakhishe. Etu toh Zolianthangi (47) saal maiki laga haat para durishe koishe. Tai toh Champhai Venglai laga Lalen Veng te thakhea koishe. Aru etu saman khan tai laga ghor para durishe.
Etu maiki ke The Narcotics Drugs & Psychotropic Substances Act 1985 laga bitor te charge kurishe koishe. Aru December 3 din te. Champhai laga District & Sessions Judge laga ageate te ani dishe koishe. Aru authorities khan para koishe ki. Etu saman khan toh Assam laga Karimganj te loijabole thakhishe koishe.
Add Comment