Chennai, 8 December : India etiya bar te bar, tisra bar lagat Squash World Cup host kuribole jaise. Tournament kal akha pora shuru hobo aru etu mahina laga 14 tarik tak SDAT Stadium, Chennai-te cholibo.
Barota desh compete kuribo—host India, defending champion Egypt, aru 2023 runners-up Malaysia milaikina. Ek-ekta team-te duita male aru duita female thakibo, aru match 2023 games-te introduce kora format te hobo—7 point tot, aru 6-6 hoile sudden-death tiebreak thakibo.
India etiya laga squad announce kuridise, experience aru young talent duita combine kurikina. Men’s category-te No.1 Abhay Singh, Velavan Senthilkumar laga logot team up kuribo. Former World No.10 Joshna Chinappa bhi wapas ahise, aru 2023-te India laga third-place finish te aru improve kuribole try kuribo. Women’s side te No.1 Anahat Singh World Cup debut kuribo.
2023-te Egypt title jiti dise Malaysia ke harai kina, aru India tisra position-te finish kurise—India laga best-ever result. Egypt etiya World Cup history-te sobse successful team ase, duita title paise. Prothom Squash World Cup 1996-te Malaysia-te host kora hoise, aru Australia jitise.
Add Comment