Abu Dhabi, 9 December : BCCI itu saal IPL 2026 laga auction te finalize kora player manuh laga full list announce kori disey. 240 Indian aru 110 overseas player manuh auction te jabo, aru bidding event itu mahina 16 tarik te Abu Dhabi te hobo.
Total 1390 player auction te register kori disey, pichete 350 player shortlist korise. Uncapped player bhi bisi ase — 224 Indian aru 14 overseas — juntu karone itu saal laga auction te notun talent aru depth add hoi jaise.
Itu bar competition tou 77 khan available slot te hobo, juntu te 31 khan overseas player khan laga slot ase. Itia tak 173 player team khan te retain kori jaise. Highest base price category 2 crore rupees te thaki ase, aru 40 player itu premium bracket te auction te jabo.
Franchise khan milaina over 237 crore rupees laga purse ase auction te khorcha koribole, juntu te Kolkata Knight Riders laga purse hoise sobse dangor — 64.30 crore rupees — aru pichete Chennai ase 43.40 crore rupees te.
Cameron Green, Jamie Smith, Rachin Ravindra aru David Miller nisena international dangor player khan te intense bidding hobo koi expect kori jaise.
Add Comment