December 11, 2025: Wednesday teh United States khan para ekta oil tanker dureshe Venezuela teh. Etu ship toh radio khan teh kuteh ase misa koi kena lokai thakei she koishe. US officials khan para etia be etu ship laga nam toh public khan ke toh koinai. Hoile kumba para koishe ki etu ship laga nam toh Nameda Skipper ase. Ship laga transponder (ship toh kuteh ase dekha laga machine) toh dekha thake she ki etu ship toh Guyana aro Suriname teh ase. Hoilebe analysis para paishe ki etu ship toh October aro December laga betor teh Venezuela teh ase.
Samir Madani para TankerTrackers banai she. Aro tailaga company toh sai etu dunia laga tail khan kuteh jai. Tai para koishe ki Skipper para 13 million drum Iranian aro Venezuelan tail bukhei she. Tai para koishe 2024 teh etu ship para Iranian laga tail bukhe kena Syria loi jaishe. Tai khan laga civil war teh modok kurebole. Etu sal Frebruary aro July laga betor te etu ship two million drum tail laga, Iran para China punchai she.
Trump para koishe ki United States khan tail pa toh tai khan he loi lobo. Aro etu durei toh bhal ase koishe tai para.
Venezuela government para koishe ki etu durei toh chor he ase. Aro international piracy ase koishe.
Add Comment