December 11, 2025: US khan Indian laga imports khan teh 50% tariffs halei piche teh, aro ekta country India laga opor teh tax halebole ase. Wednesday teh Mexico laga senate para acha koi deshe India para saman kiman saman ahei ase etu khan teh 50% tax thake bole. Khale India nahoi. China aro alak kumba Asian countries khan be etu 50% tax paishe koishe. Enia ho toh Trump toh beshi khushe pa ase koishe.
Etu tariff otha toh January 1, 2026 teh shuru kurubole ase koishe. Gari, gari laga saman, textiles, plastic aro loha khan sob teh 50% tax lagei bole ase kun kun Mexico logo teh trade deal nathakei khan. India, South Korea, China, Thailand aro Indonesia khan trade deal nai Mexico logo teh.
Etu 50% tariff karne Mexico khan 2026 teh $3.76 billion lab pabole ase. Mexican President Claudia Sheinbaum toh domestic production othabole karne kurei ase koishe. Hoilbe manu khan para koishe ki Trump ke khushe kurebole karne kurei ase koishe. Ja hafta khan teh Trump toh Mexico khan ke dhamki dei ase. Loho aro aluminium khan teh 50% tax halebole. Kile koile toh bei dawai Mexico para US teh gushei karne.
Add Comment