BENGALURU: Drought ( pani sukha) hit states khan opor te financial aid diya opor te Sunday te Karnataka Deputy Chief Minister G Parameshwara para Union government ke partial ase koishe.
Mr Parameshwara tweet te koishe drought relief nimite Karnataka para Rs. 2,434 crore mangishe. Hoile bhi khali Rs. 949.49 crore he approve hoishe. Aro Maharashtra ke Rs. 4,714.28 crore dishe.
Tai koishe Central government para enika favouratism dekha toh sob manu khan para condemn kuribole agay.
Mr Parameshwara para dusra tweet te lekhi kena koishe Union government toh partial nohubole lagay aro sob states ke aki (equally) he sabole lagay. Ami khan etu opor te etiya etiya jawab lagi ase aro etu amount toh thik kuribole lagi ase koishe. Karnataka ke drought crisis aro farmers khan ke modot kuribole nimite Centre para modot kuribole lagi ase.
Olop samay agote bhi Chief Minister HD Kumaraswamy para Centre ke states te drought relief modot kuribole te partial huwa nimite inzam dishe..
Mr Kumaraswamy koishe ami khan Prime Minister Narendra Modi aro Home Minister Rajnath Singh kea mi khan laga drought relief toh aro demand kuribole lok kuribo.
Add Comment