Jaipur, December 11, 2025: Wednesday teh Rathi Kheda bosti teh kheti kurei manu khan ethanol factory banai khotom nahoi ekta laga fencing wall khan gerai thakishe. Tai khan tractor cholai kena wall toh bei kurei thakishe. Tai khan tateh gari thakei khan be bei kurei shuru hoishe. Tinta gari toh jo lai deshe. Police khan etu karne lathi charge kurei she. Congress laga MLA Abhimanyu Poonia kun kheti kurei khan ke modok kurebole ahene thakeshe. Tai etu homoi teh jokhom khaishe. Aro tai ke hanumangarh district hospital teh admit kuredeshe.
Etu jamala toh groom ho karne administration khan para Tibbi teh internet bon kuredeshe. Chool aro dukan khan sob bon kure deshe. Officials khan para koishe ki 300 kheti kurei manu SDM office para barai kena factory tuk jaishe 4 pm teh. Aro tai khan etu factory bana toh rukhai debe koi ne mange thakeshe.
500 police, ekta ASP aro duata DSP etu protest toh rokhabole pathai she koishe. Protest kurei manu khan pathor aro eta police khan laga opor teh pakhaishe koishe. Police manu kum bat oh jokhom khai she koishe. Police khan kandei laga gas wei phekaishe koishe. Officials khan para beshi police phatai she etu jamala aro dangor nahobole karne.
Add Comment