December 12, 2025: Wednesday teh ICC rankings olaishe aro Virat Kohli second te uthene thakeshe. Etu ranking toh kun sobse bhal batting kurei laga ase. Virat Kholi No. 1 nahoi toh beshi dere hoishe. April 2021 teh Pakistan laga Babar Azam para tai ke No. 1 para hatai dei piche teh aro tai no. 1 teh punche bole parenai.
Hoilebe tai ODI last tinta match South Africa khan logo teh dekhebole parei ase ki tai top teh punchebole parebo. Virat Kholi Player of the Series paishe. Tai 302 runs polaishe tinta match teh. Aro etu karne tai laga rank no. 4 para no. 2 teh jabole parei she. Etia laga No. 1 toh Rohit Sharma ase.
Rohit 146 runs polaishe etu series teh. Aro tai laga no. 1 toh bachole pareshe. Inida laga ODI skipper Shubman Gill toh etu tinta series laga match khelebole naparele be tai no. 5 laga ranking para geri nai. Hoilebe KL Rahul no. 10 para no. 12 teh gere jaishe.
Aro bowling kurei laga ranking teh toh Kuldeep Yadav toh no. 6 para no. 3 teh punchi jaishe. South Africa laga Quinton de Kock, Aiden Makram aro Temba Bavuma batting kurei laga ranking teh utheibolw pareshe
Add Comment