December 12, 2025, 5:15 PM: Ekta State Level Job Fair 2025, organize kurishey, itu Samagra Shiksha Nagaland, DoSE Nagaland para, kuntu toh hoiley 12th December 2025 tey loishey, T.M Government Higher Secondary School, Kohima tey para, student khan ke empower khriboley, employ hobo pariboley laga hisap build kuriboley, vocational education para.
State Mission Director, Samagra Shiksha, Nagaland – L. Jamithung Lotha para tai laga inaugural speech tey koishey, itu department toh hoiley government school khan laga students khan ke upskill kurikena ahi asey, kotey tai kha ke itu Sector Skills Council aru Job Fair para assess kurishey, kuntu para toh hoiley skilled youth khan ke employer khan ke connect khriboley aim kuria laga thakishey, itu job market aru itu students majetey interact kuriboley karney, itu saboley ki, tai khan laga skill khan toh system ke fit kurey na nai koi kena.
Joint Mission Director, Samagra Shiksha Nagaland – Dr. Chumbeni Kikon para tai laga introductory speech teg koishey, itu tog hoiley poila bar asey, Samagra Shiksha Nagaland nimitey, ekta State Fair organize kuria toh, vocational students aru alumni nimitey, employment opportunity khan provide kuriboley, students khan nimitey aru tai para tai laga gratitude express kurishey, itu five vocational training partner khan aru consultant khan ke, itu Job Fair nimitey.
Add Comment