New Delhi, December 13, 2025: Thursday laga sham te manu khan ekta maiki aro tai laga duata bacha ghor te murekena paishe koishe. Tai khan suicide kureshe koishe police khan para. Tai khan laga ghor toh Kalkaji, South Delhi te ase koishe.
Officials khan laga hesab te 2:47 pm te Kalkaji police station te ekta call ahei she. Manu enia suicide kurei laga. Ama laga nam toh Anuradha Kapoor ase koishe. Aro tai laga sal toh 52 ase koishe. Aro tai laga duata bacha laga nam toh Ashish Kapoor aro Chaitanya Kapoor ase koishe. Aro tai jun laga sal toh 32 (Ashish) aro 27 (Chaitanya) ase koishe.
Ekta Baliff aro local police jaishe koishe tai khan laga ghor te jaishe. Court order ekta debole jaishe tai jun. Mati aro ghor laga mamla laga. Tai jun gate te mari le be kumbe ahei nai koishe. Hoile toh tai jun extra jabe cholai kena ghor te gushe sha. Gushe homoi te tai baliff aro police toh tai khan tin jun ceiling fan te hang kurene paishe koishe.
Police khan ghor te ekta suicide note paishe koishe. Utu kagos te tai khan munduk aro depression te thakeshe koishe. Police khan para koishe ki Anuradha laga mota toh morei she koishe puila para. Aro tai khan rent te buhe thakeshe koishe. Tai khan puisa laga phane te be duk pai thake she koishe. Aro beshi moina laga rent terenai koishe. Tai khan laga body toh AIIMS mortuary teh loi jaishe koishe.
Add Comment