December 13, 2025: Friday December 12, 2025 te U.S laga ekta California Jury para Johnson & Johnson ke order deshe ki duata maiki ke $40 million debe. Kile koi le toh Johnson & Johnson laga baby powder karne duata maiki toh ovarian cancer hoishe koishe. Utu duata maiki laga nam toh Monica Kent aro Deborah Schultz ase koishe.
Los Angeles Superior Court laga jury para Monica Kent ke $18 million pabo koishe Johnson & Johnson laga hath para. Aro Deborah Schultz aro tai laga mota ke $22 million pabo koishe. Johnson & Johnson toh pola para janei ase tai khan laga saman te Talc ase. Aro etu Talc toh gao karne beshe bei ase. Hoilebe tai khan manu khan ke warning be de naik un kun tai khan laga saman cholai.
2014 teh Ms Kent toh ovarian cancer ase koine dureshe. Aro 2018 te Ms. Schultz be cancer hoishe. Aro duata maiki be 40 sal karne gosol kurei piche te Johnson & Johnson laga baby powder cholai koishe. Tai jun etu cancer karne beshi surgery aro chemotherapy loishe koishe. Aro duata maiki laga advocate para courth teh koishe ki Johnson & Johnson khan toh 1960 para janei ki tai khan laga saman toh cancer dei manu khan ke. Hoilebe tai khan kitea be manu khan ke koinai.
Add Comment