Tehran, December 13, 2025: Saturday te Iran khan nuton petrol laga dam deshe. 2019 te othai dei piche te etia he alak kure ase. 2019 te petrol othai dei karne Iran laga sob jaga para manu khan protest kurei shuru hoishe. Aro etu jamala te 300 manu mureshe koishe.
Iran manu khan karne toh petrol toh sosta hobole lagei koishe. 1964 te ekbar petrol laga dam othai she etu karne be beshi jamala olaishe. Tai khan military laga gari be rasta te hale jaishe. Taxi drivers khan laga opor te manu khan hamla kurei karne.
Nutun system laga hesab te manu khan ekta moina te 60 liters pabo koishe. Aro ekta liter teh 15,000 rials hobo koishe. 15,000 rials toh Rs 32.26 ase. Aro etu piche te 100 liters pabole khan toh 30,000 rials per liter hobo koishe. 30,000 rials toh Rs 64.52 ase.
Aro etu laga opor khan toh 50,000 rials per liter hoi jabo koishe. Nuton dam te be Iran khan etu dunia laga sobse sosta petrol pa ase etia be. Hamid Rezapour, 35 sal bank te kam kurei manu para koishe ki tai khan opai nai etu country laga economy bacha bole petrol laga dam toh othabole lagei.
Add Comment