Dubai, 13 December : 14 saal laga Suryavanshi dangor strokeplay dikhai kene sab ke amaze korisey. Tai matro 95 ball te 171 run marisey, jitu te 14 six aru 9 four thakisey.
Bat koribo diya pora India early shock paisey jetiya captain Ayush Mhatre third over te matro 4 run te out hoi jaise. Bhal form te thaka Suryavanshi shuru te thora sambhali kene khelisey, pichete Aaron George laga logot destructive mode te jai jaise. Aaron George 73 ball te 69 run marisey. Suryavanshi UAE bowler khan ke ekdom chari diya nai aru matro 30 delivery te tai laga half-century pura korisey.
Itu dangor power-hitting display pora Suryavanshi tournament laga record book te nijor naam likhi disey. Tai Under-19 Asia Cup te ekta innings te sob pora besi six mara record bhangisey. Age itu record Afghanistan laga Darwish Rasooli laga asil (2017 te 10 six). Suryavanshi matro 56 ball te memorable century korisey aru 84 ball te 150 run pura korisey.
Suryavanshi double century koribo laga track te ase, kintu unfortunately 33rd over te 171 run te run out hoi jaise. Ekhon tai Indian laga Youth ODI te second-highest score record hold kori ase. Tai matro Ambati Rayudu laga 177* (England U19 laga against te, 2002) pora thora pichete thakisey.
Logot-logot, India Men’s U19 Asia Cup history te highest-ever score record korisey, tournament opener te 433/6 score kori kene. India nijor age laga U19 ODI highest total bhi break korisey — juntu 2004 te Scotland laga against te 425/3 asil. Overall hisab te, 433 run itu Men’s U19 one-day game te team laga third-highest score hoi ase.
India match tu 234 run te jitisey.
Add Comment