National wrestling te Aman gold paishe

December 14, 2025: Paris Olympics bronze medallist Aman Sehrawat, tai laga eyebrown te jokhom pai le be, men’s freestyle 61 kg te gold medal paishe, National Wrestling championships te. Etu match khan toh Savarkar Sports Complex, Naranpura, te thakeshe. Tai laga employer Railway laga colour lagai kena, heavy category te kheleshe, weight katebole laga duk napabo karne. Tai Kerala laga Adhit Narayan ke 12-1 para harai deshe. Aro Madhya Pradesh laga lait ke 10-0 para harai deshe. Tai semi- final te Rajasthan laga Anuj kumar ke 13-2 para harai deshe. Aro final te tai Delhi laga Nikhil logo te kheleshe, aro tai ke 10-0 para harai deshe. Tai Lalit loko te khele homoi te matha lage kena tai laga eyebrow te jokhom paishe quarter finals te. Khun olai le be aro gao toh phule le be tai sob manu logo te mun de kena khele she. Tai final khele piche teh tai para koishe ki sport te toh jokhom hobole ase.