India para Egypt ke harai kena Squash World Cup final punchi she

December 14, 2025: India laga mixed team para Egyptian laga team ke 3-0 para harai deshe. Etia toh tai khan final karne qualify hoishe. Hong Kong laga team logo te khelebo final te. India toh aste aste global squash laga ladder uthei ase. Aro etia final te punchei toh dangor ekta milestone punche she. Aro validation dei ase talent development te sustained investment laga. India ja sal laga World Cup te bronze paishe. Etu sal toh silver pabole guarantee hoishe aro gold pabole be beshi chance ase. Egypt toh ja sal laga champions thakeshe. Semi final te India karne dangor test thakeshe hoile be India sunder para pass hoi jai she. Velavan Senthilhumar para Ibrahim Elkabbani ke 3 – 0 para harai deshe. Tai para he macth laga tempo toh control kure thakeshe. Aro galti khan komti thakeshe. Tai laga performance karne India khan juldi advantage pai jai she aro pressure toh Egypt khan laga opor te dale deshe. Aro maiki khan laga match te Anahat Singh be beshi bhal para khele she. Tai Nour heikal logo te kheleshe. Tai jun best of five te pasta match khele she. Aro Anahat jete jai she 3-2 para. Abhay Singh be nahare kena Dewald Van Neikerk ke 3-0 para harai deshe.