December 14, 2025: Aresenal khan sorom khabole thakeshe Premier League laga sob se niche team khan logo te harebole thakei toh. Wolves khan laga players khan he tai khan laga goal te dua bar goshai kena Arsenal ke jetia deshe. Aresenal laga Manager Mikel Arteta para koishe ki tai khan duk pai thakeshe jaga banabole nahoile toh jetebole aram hei thakeshe. First Half te toh Aresenal khan ekta shot be bhal para marebole pare nai. Gabriel Martinelli para beshi bar chancew paishe hoilebe ekta be goal pai nai. Aresenal khan beshi bar hamla kureshe goal te goshabole. Declan Rice para thik goal phane mareshe hoilebe Sam Johnstone para save kure deshe. 70th minute te Bukayo Saka corner kick marei she hoilebe post toh lagei she. Etu homoi te Johnstone ball durebole thake te tai laga hath te lage kena tai laga goal te hei gushe jaishe. 90th minute teh Wolves khan para ekta goal goshai she. Match toh draw hobole thakei toh, Saka para cross dei homoi te Wolves khan laga defender mistake para tai khan laga goal te goshai deshe. Aro Aresenal khan ke jetia deshe 2-1 para. Aresenal laga duata goal be Wolves khan para goshai deshe. Wolves khan ninth bar hare kena haei ase etu league te. Duata points pai kena se 16 match para.
Wolves para ekla laga goal te goshai kena Aresenal khan ke sorom para bachai deshe
Add Comment