December 14, 2025: Dimapur laga Burma Camp laga East Block Colony tey bishi dangor para jui lagishey, itu ghatna toh hoiley fujur 07:00 AM phaney para jui lagishey koi asey, December 14th tey. Tatey 250 – 300 nishina parivar khan nishina itya ghor nathaka hoi jai kena asey itu bishi dangor jui lagi jawa para. Central, West & Chumou fire station khan para fire tender khan k deploy kurishey, tai khan thik homoi tey punchi ken aitu jui toh aru bhi bishi dangor hoboley thaka tey para rukhai dishey. Itu Fire tender laga team khan para ek ghanta adha nishina tak itu jui logotey juji thakishey, aru eneka juji ken aitu jui toh bujaboley parishey. Itu fire department khan laga team khan nimitey challenge thaka toh, tatey laga raasta khan bishi chutu thaka para tai khan dukh pawa laga thakishey itu jui logotey juja-baji kuria homoi tey. Itu jui jula homoi tey bishi crore laga property khan pura juli kena biya hoi jaishey koishey. Colony laga council para govt. ke financial ain para modod kuriboley nimitey appeal kurishey. Itu ghatna hoa nimitey temporary relief camp set up kurishey; tatey khawa-loa provide kurishey colony council para.
Bishi Dangor Jui Lagishey, Dimapur Laga Burma Camp, East Block Colony Tey; Thik Homoi Tey Fire Tender Khan Punchikena Jui Toh Rukhaishey
Add Comment