Dharamsala, 15 December : Men’s cricket te, Himachal Pradesh Cricket Association Stadium, Dharamsala te khela hoisa five-match series laga third T20I match te India, South Africa ke 7 wicket porajoy dise, kali rati. South Africa diya 118 run target chase kori, India 15.5 over te 3 wicket harai 120 run bonaise. Abhishek Sharma highest scorer asile 35 run loi, aru Tilak Verma 25 run kori not out thakise.
Agey te, India toss jitina fielding loise. Batting first kori, South Africa pura team 20 over te 117 run te all out hoise. Team laga skipper Aiden Markram highest scorer asile 61 run loise. India laga hisab te, Arshdeep Singh, Harshit Rana, Varun Chakaravarthy aru Kuldeep Yadav duita-duita wicket loi. Itu win pichete, five-match series te India etiya 2-1 te lead loi ase.
Series laga fourth match Wednesday din Lucknow te khela hobo, aru last match Friday din Narendra Modi Stadium, Ahmedabad te hobo.
Add Comment