New Delhi, 17 December : Indian film Homebound Oscars 2026 te Best International Feature Film category laga shortlist te select hoise. Desh pura gorbo feel kori thaka time te, aru ekta golden trophy anibo laga asha loi, film laga OTT streaming detail khan bhi anise.
Film itu Cannes 2025 te premiere hoise, aru tar pichete theatre te release hoise. Film te lead role te Ishaan Khatter, Vishal Jethwa aru Janhvi Kapoor ase.
Homebound September 26, 2025 din theatre te release hoise, bohut film festival ghumikena ahia pichete. Film itu November 21 din Netflix te release hoise. Jitu khan etiya tak Homebound sabo napai, tai khan itu weekend watch bonai lobo pare.
International Feature Film shortlist pura duniya pora film khan ke highlight kore. Best International Feature Film category te select hoise — Argentina pora Belén, Brazil pora The Secret Agent, France pora It Was Just an Accident, Germany pora Sound of Falling, Iraq pora The President’s Cake, Japan pora Kokuho, Jordan pora All That’s Left of You, Norway pora Sentimental Value, Palestine pora Palestine 36, South Korea pora No Other Choice, Spain pora Sirât, Switzerland pora Late Shift, Taiwan pora Left Handed Girl, Tunisia pora The Voice of Hind Rajab, aru India pora Homebound.
Oscars 2026 laga shortlisted category khan laga final nomination khan olop time pichete decide hobo aru January 22, 2026 din announce hobo. Academy Awards March 15, 2026 din hobo, aru itu event host koribo comedian Conan O’Brien.
Add Comment