December 17, 2025: Itu Directorate of Arecanut aru Spices Development (DASD), Agriculture & Farmers Welfare, Calicut, Kerala laga Ministry laga Deputy Director – Babulal Meena para ekta Central team culai kena, Senior Scientist, Central Plantation Crops Research Institute (CPCRI), West Bengal, Dr. A.K. Sit aru Scientist CPCRI, Guwahati, Leichombam S. Singh logotey Peren District visit kurishey, aru site visit conduct kurishey, itu DPDB para declare kuria laga Ngwalwa Arecanut Village tey, 16th December 2025 tey, ekta arecanut cultivation feasibility study laga part thaki kena. Itu team para field visit khan bhi kuri jaishey, Heningkunglwa village tey.
Itu field visit khan pichetey, ekta stakeholder meeting loishey, itu Village Council Hall, Ngwalwa tey, itu EAC Ngwalwa, Sizin Renttahl aga chairmanship under tey. Itu meeting tey government official khan, bosti laga leader khan aru local stakeholder khan para attend kurishey.
Itu meeting laga homoi tey, itu Central team para inform kuishey ki, tai khan toh hoiley Ministry ke inform kuribo, latest production technology khan laga introduce kuriboley, nursery khan establish kuriboley, quality planting material khan, lagi thaka infrastructure develop kuriboley nimitey aru marketing linkage khan banaboley, South India logotey. Itu team para itu Ngwalwa area develop kuriboley bhi propose kurishey- Heningkunglwa, Ngwalwa, Gaili Namdi, Gaili, aru Punglwa village khan include thaki kena, ekta Arecanut Hub hisap tey. Aru itu logotey, arecanut laga intercropping spice khan logotey, black pepper aru cocoa nishina, suggest kurishey, farmer khan laga income enhance kuriboley aru sustainable cultivation practice khan promote kuriboley.
Add Comment