Beijing, 18 December : World Athletics 2026 pora race walk event te half-marathon aru marathon distance introduce koribo koi dise, jate fans khan sport laga speed bhal pora bujhi bole pare, kuina president Sebastian Coe koi dise.
April 12, 2026 te hobo laga World Athletics Race Walking Team Championships laga schedule anusar, traditional 20-kilometre race walk tou replace kori half-marathon race walk hobo, aru 35 km event tou change hoi marathon race walk hobo. Itu new distance khan major international competition te prothom bar appearance hobo.
Coe aru koi dise ki itu new distance khan long-term te bhi thakibo buli tai expect kore, aru itu Olympic program logote bhi suit koribo. Itu report Xinhua pora ahise.
Pichla ekta decade te race walk laga format te bisi change ahise. 2017 aru 2019 World Championships te women laga 50 km event debut hoise, men laga 50 km aru duita 20 km event logote. Kintu Olympic stage te pohoncha age duita 50 km race drop kori diya hoise aru 2022 World Championships, Oregon te eitu ke replace kori 35 km event anishey.
Add Comment