New Hampshire, 19 December 2025: Suspect last week laka mass shooting te Brown university te, taike muri kina paishey ekta storage facility te Salem, New Hampshire te, chei din multi-staet manhunt hoi kina, police pra koishey. Taikhan pra suspect ke identified kuri shey Claudio Neves Valente, 48 koina, ekta Portuguese national kun university te puri shey Providence, Rhode Island te, 25 saal agae te. Providence police chief Oscar Perez pra koishey video evidence aro tips public pra lead kuri shey investigators khan ke car-rental jaka te kute taikhan suspect la nam paishey aro matched kuri shey taikhan la person of interest ke. Officials pra koishey taikhan aro bisas kureh Valente pra Massachusetts Institute of Technology professors ke murai dishey dui din hoina 13 december shooting pichideh.
Rhode island attorney general Peter pra koishey Valente ke muri kina paishey satchel aro duita firearms lokot. Evidence gari osor te matched kuri shey shooting le jaka ke Brown University te Providence te. Initial findings pra jani shey Valente toh self-inflicted gunshot jokom pra muri shey.
Add Comment