December 19, 2025: Sourav Ganguly para Rs 50 crore defamation suit notice deshe, Kolkata laga football fan club official ekta ke. Sourav para koishe ki tai laga nam mesa meshe para Lionel Messi Kolkata ahei laga jamala te gosha karne. Aro derogatory aro defamatory public statements tai laga opor dei karne. Sourav Ganguly toh India laga cricket captain thake she poila te.
Thursday te, cricketer para sports administrator ho, Ganguly para ekta police khan ke complain be lodge kureshe. Uttam Saha, ‘Argentina Football Fan Club’ laga member opor te.
Ganguly para PTI khan ke koishe ki tai police complain be kureshe. Aro utu football fan club laga official ke be Rs 50 crore laga legal notice be deshe. Aro tai para koishe ki tai khan toh demak te ki ahei eni koi dei.
Saha para ekta journalist logo te khota kurei homoi te koishe ki Ganguly para he Messi G.O.A.T India tour toh organize kureshe. Aro Satadru Dutta kun arrest hoishe etu toh front he thakeshe koishe.
Ganguly laga complain email Cyber Cell Kolkata Police ke pathawale te, koishe ki utu manu laga statement khan karne tai laga reputation aro mental peace beshe affect hoishe.
December 13 te, Ganguly para Messi ke felicitate kurebole thake she platform te. Chief Minister Mamata Banerjee aro alak dignitaries khan logo toh. Hoi le be manu khan Salt Lake Stadium te rampage kure karne programme toh cancel kureshe.
Add Comment