December 20, 2025: Saturday te tin jun mureshe aro tin jun jokhom khai she, train ahei kena lagai dei piche te. Beshe fog ho karne tai khan train toh de khe nai koishe. Tai khan Taherpur, West Bengal te jai thakeshe Prime Minister Narendra Modi laga rally te jabole.
Etu incident toh Taherpur aro Badkulla railway stations laga betor te hoishe koishe, Etu stations khan toh Sealdah- Krishnanagar section, Easter Railway laga betor te ase. Mr. Modi laga helicopter be Taherpur te land kurebole parei nai fog karne, aro wapas Kolkata jai jaishe. Tai para tai khan murei khan ke condolence deshe . Mr. Modi para koishe ki ‘tai janebole pareshe ki kumba BJP workers khan rally te ahei homoi te mure she accident para. Tai laga condolence toh family khan logo te ase. Aro pratna kurei ase jokhom kha manu khan juldi bhal hobole.’
Eastern railway official khan para PTI ke koishe etu accident toh phojor te hoishe, tai khan bus para rally te jai thakei homoi te, tai khan bus toh rokhai kena railway tracks pahne jai kena pesab kurei homoi train toh ahe kena lagai deshe. Tin jun toh jaga para mure jaishe aro dua jun toh hospital te admit hoishe koishe.
Add Comment