AIZAWL, February 6: Mizoram BJP chief John V Hluna pora February 5 te dhamki dise ki party laga state unit nijor khotom kori dibo juti national leadership pora diktar Citizenship (Amendment) Bill pass koribole fesla loise koile. Tai pora koise Mizoram laga manu khan aro tai khan laga “shuraksha toh hi sobse dangor maksat”.
“Etu BJP state unit toh Mizoram manu khan laga iccha shuraksha koribole bona ase. Juti central leadership pora etu amendment ke kanu karna bonaibole fesla loise koile, state unit logote aalag rasta nathakibo hoilebi nijor bondh koribole laagibo,” Hluna pora reporters khan ke koise.
Tai pora koise ki tai Prime Minister Narendra Modi, Union Home Minister Rajnath Singh aro aalag national leaders ke etu diktar bill nimite kotha korise aro party laga central leadership ke etu Bill hataidibole koise.
Tai etu bi koise ki, state BJP unit pora national leaders khan ke etu bi koise ki etu Bill juti hatanai koile, northeastern states khan ke etu laga kanun pora bahar rakhibo karne.
“Moi khan laga kotha maaniya nai koile, moi khan logote aalag opai nathaki kena BJP state unit toh nijor bondh koribole laagibo,” Hluna pora koise.
Tai pora koise, etu Christian-majority state laga church khan ke Parliament te etu Bill ke haraidibo karne pratna koribole koise.
Add Comment