Dubai, 20 December : Under-19 Asia Cup Cricket te, India Under-19 kali ratite Sri Lanka Under-19 ke semi-final te 8-wicket pora dangor jit hasil korise. Itu match Dubai te hoise, aru itu jit pora India Pakistan Under-19 laga logote title clash set korise.
Batting karone pathai pichete, Sri Lanka ke India 138/8 te bandha korise. Boroxun karone match start late hoise aru game ke 20 overs per side te reduce koribo lagise. Reply te, India 139 runs laga target ke 18 overs te matro 2 wicket harai kene complete korise. India laga captain Ayush Mhatre aru opening partner Vaibhav Suryavanshi early out hoise, kintu Vihaan Malhotra aru Aaron George innings ke pura control korise. Dono milikene unbeaten 114-run partnership bonaise. Vihaan 45 ball te 61 runs marise, aru Aaron 49 ball te 58 runs kori kene team ke jit pauchise. Age, rain aru wet outfield karone toss late hoise, aru toss jitibo pichete India bowling choose korise.
Arokta semi-final te, Pakistan Under-19 defending champions Bangladesh Under-19 ke bhi 8-wicket pora harai dise. India aru Pakistan laga Summit Clash kaliDubai te hobo.
Add Comment