December 21, 2025: Assam Rifles personnel para toh hoiley tai khan laga commitment demonstrate kurishey, community service karney, 4 units laga khoon donate kuri kena, Meluri aru Phek district khan tey, 21st December, 2025 tey. Itu khoon laga donation drive toh hoiley patient khan ke support kuriboley organize kuria laga thakishey, kun khan ke urgent para medical attention lagi kena asey, blood donation laga importance highlight kuri kena, manu laga jaan bachaboley. Meluri tey duita units laga O positive donate kurihey, Ms. Yeedave ke, kun toh hoiley 17 saal laga chukri asey, Akhegwo village tey thaka laga, kun toh hoiley post-partum haemorrhage para dukh pai kena thakishey. Phek tey, duita units laga O positive blood toh hoiley donate kurishey, Ms. Niekhutalu Keyho ke, kun toh hoiley ekta 65 saal laga maiki asey, Phek bosti tey thaka laga, kun toh hoiley blood cancer battle kuri asey. Assam Rifles personnel lag aitu selfless act toh hoiley bishi para appreciate kuri asey, itu local community para. Itu khoon receive kuria Parivar khan para tai khan laga mon chuwa laga gratitude express kurishey, itu donor khan ke, precious live khan bachawa nimitey. Assam Rifles toh hoiley continue kaam kuri asey, strong relationship khan build kuriboley, itu local community khan logotey, tai khan serve kuri thaka logotey.
Assam Rifles Personnel Para Life-Save Kuriboley Blood Donate Kurishey, Meluri Aru Phek District Khan Tey, Nagaland State Laga
Add Comment