Aizawl, December 22, 2025: State Excise aru Narcotics Minister Lalnghinglova Hmar para janai dishe ki. Mizoram laga Authorities khan para 13,256 manu, aru 100 Foreign manu nishina khan ke arrest kurishe koishe. Ary Myanmar manu bi thakhishe koishe. Etu khan toh pura Mudu aru Drugs laga cases bitor te ase koishe. Etu toh January 2024 para loi kina September 2025 tak ase koishe.
Aru Official Data laga hisab te. The Excise aru Narcotics Department khan para 1,016 Cases nishina dali dishe koishe Narcotics Drugs aru Psychotropic Substances (NDPS) Act, 1985 laga bitor te. Aru yete taikhan 1,563 manu ke arrest kuribole parishe koishe.
Aru Mizoram Liquor Prohibition (MLP)Act, 2025 bitor te toh 12,047 cases nishina dalishe koishe.Aru yete 10,906 manu nishina ke arrest kurishe koishe. Aru Mizoram Excise Act, 1973 laga bitor te 826 Cases nishina dalishe koishe. Aru yete 787 manu nishina ke arrest kurishe koishe. Aru etu homoi te. Authorities khan para 80.594 kg laga heroin drug, 425.144 kg laga methamphetamine, 1.193 kg laga Opium aru 801 kg laga Ganja khan durishe koishe.
Add Comment