Imphal, December 27, 2025: December 26, Friday din te. Security Forces khan para mili kina. ImphalEast aru Imphal West Districts khan te operation kurishe koishe. Yete taikhan para 8 militants ke arrest kurishe koishe. Taikhan toh alak alak group member laga ase koishe. Etu operation para taikhan banduk, guli, kotha kurea laga saman aru alak saman khan bi paishe koishe. First Operation te. Security Forces khan para KCP laga group member. Kshetrimayum Binoy Singh (41) ke arrest kurishe koishe. Tai toh Imphal East District laga Singjamei Wangma Torban Kshetri Leikai te thakhea manu ase koishe. Taike Imphal West District laga Langol Game Village Zone-III para durishe koishe.
Eki din laga operation te. Forces khan para aru KCP laga Group member ke arrest kurishe koishe. Tai toh Kangleibung (32) ase koishe. Tai toh Bishnupur laga Wangoo Ahallup Makha Leikai te thakhea manu ase koishe. Aru alak wala toh RK Bishworjit Singh (38) ase koishe. Tai bi Bishnupur laga Nambol Thiyam Makha Leikai para ase koishe. Aru alak wala toh Ningthoujam Santosh Singh (30) ase koishe. Tai toh Churachandpur District ;aga Churachandpur Saikot Zaion Veng para ase koishe. Taikhan laga haat para Duita mobile handset paishe koishe.
Aru alak te 4 militants ke arrest kurishe koishe. Taikhan toh Ningthoujam Birjit Meitei (36), Nongpokngakpa (32), Mutum Norin Meitei (33) aru Akhup (32) ase koishe. Taikhan sob bi Imphal East District para ase. Taikhan laga haat para Ekta .32 Pistol aru Magazine, .32 laga 3da guli, charta mobile, ekta aadhaar card, ekta gari aru Duita Radio set paishe koishe.
Add Comment