Imphal, December 27, 2025: December 24 din te. Manipur Police khan para 29 saal manu ke arrest kurishe koishe. Tai laga haat para Heroin drugs paishe koishe. Etu toh Imphal East District te ase koishe.
Etu manu toh Md. Mustakim ase koishe. Tai toh Sangaiyumphal Pt-1 te thakhea manu ase koishe. Aru Police khan tai laga haat ara 24 sabun daba paishe. Tate 310 Grams laga Heroin drugs paishe koishe.
Aru tai toh gari chulai kina drugs khan loija lagabi police khan uthai loishe koishe. Aru yete police khan investigation kurea suru hoishe koishe. Etu drugs khan laga link aru deep para janibole nimete.
Eki din te. Police khan para 29 saal Ilaj Ai Laskar ke arrest kurishe koishe. Chandrapur jaga phane para. Tai laga haat para 1.6 lakh laga Psychotropic Tablets paishe koishe. Etu toh 16.8 Kg nishina laga thakhishe koishe. Yete tai toh Tata Gari chulai kina saman khan loi jai thakhishe koishe.
Add Comment