Vijayawada, 27 December : Local favourite Surya Charishma Tamiri aru experienced Shruti Mundada Friday Vijayawada te Senior National Badminton Championships laga quarterfinals te top duita seed ke straight games te harai semi-finals te pounchise.
Surya Charishma top seed Unnati Hooda laga khilaf bhot strong khel dikhaise aru 36 minutes bhitor te quarterfinal match 21-12, 21-15 te jitise. Anephale, Shruti second seed aru former national champion Anupama Upadhyaya ke 39 minutes te 22-20, 21-12 te harai dise.
Semi-finals te, Surya Charishma etiya Rakshita Sree laga khilaf khelibo. 18 saal laga Rakshita ekta game pichete thaki bhi world junior championships laga silver medallist Tanvi Sharma ke 16-21, 21-14, 21-18 te harai dise.
Men’s singles category te, top seed Kiran George ke 11th seed Rounak Chauhan laga against bhot mehnat koribo lagise aru tai 41 minutes te 21-18, 21-18 te match jitise.
Eitya tai 2024 Odisha Open champion Rithvik Sanjeevi S laga khilaf semi-final khelibo, quarterfinal te K Sathish Kumar ke 21-13, 22-20 te harai dise.
Aru ekta semi-final te, second seed M Tharun unseeded Bharat Raghav laga khilaf face koribo. Quarterfinals te, Tharun Manraj Singh ke 21-13, 22-20 te harai dise, aru Bharat Ginpaul Sonna laga khilaf 21-17, 21-13 te better prove korise.
Women’s doubles te bhi upset dekhibo paisey, jitia top seeds Rutuparna aru Swetaparna Panda pre-quarterfinal stage te Riduvarshini Ramasamy aru Sania Sikkandar pora out hoise. Riduvarshini aru Sania match 21-16, 21-19 te jitise.
Add Comment