Ayush Mhatre ke U-19 WC karne India Captain banai deshe

December 28, 2025: India laga 15 member U-19 World Cup laga captain toh Ayush Mhatre hobole ase koishe. Tai khan aha sal January 15 para February 6 tuk khilebo U-19 World Cup toh. Etu World Cup toh Zimbabwe aro Namibia te khele bole ase. Hoile be tai aro Vihaan Malhotra tinta ODI series match khelebole napare bo koishe, South Africa te, tai jun laga hath te jokhom thakei karne. Tai jun laga pal te Vaibhav Sooryavanshi para captain kurebo India karne, South Africa laga tour te, Benoni te tai khan tinta ODI natch khelebo, January 3, 5 aro 7 te. Aro Aaron George para vice captain kurebo koishe. Mhatre aro Malhotra kun U-19 World Cup karne vice captain laga nam de she, tai jun Central of Excellence te report kurebole ase, tai jun laga jokhom toh sabole, India team join nakurea piche te. Sooryavanshi aro George be U-19 World Cup team te nam ase. Etu ICC Men’s U19 world Cup te 16 team thake bole ase, aro etu 16 team toh four groups te bak kurebo le ase, aro etu piche te Super Six stage thake bo, aro etu piche te semi-finals, aro etu piche te final thake bo Harare te. India toh five time champion ase (2000, 2008, 2012 aro 2022 laga), India toh Group B te thakebole ase, New Zealand, USA aro Bangladesh logo te. January 15 te India USA logo te khelebo, etu piche te January 17 te Bangladesh logo te khele bole ase. Aro January 24 te New Zealand logo te khele bo.