Imphal, December 29, 2025: December 28 din te. Security Forces khan para 8 PREPAK laga group member ke arrest kurishe koishe. Etu toh Manipur pura te mili kina operation kurishe koishe. Yete manu khan ke damki dikina poisa mangea khan ke rukhai ase.
Six manu khan ke toh alak alak jaga para durishe. Etu toh Nongpok Sekmai Police Station bitor te ase koishe. Etu manu khan toh Moirangthem Boboy Singh (54) toh Yairipok Kakmayai Mayai Leikai para ase koishe. Thoudam Tomba Singh (63) toh Soibam Leikai Khalabung Leirak para ase. Konsam Romenkumar Singh 944) toh Iroisemba Mayai Leikai para ase koishe. Laishram Nanao Singh (35) toh Itam Nungoi. Takhellambam Kishan Singh (30) aru Takhellambam ahington Singh (22) toh Chanam Santrok Maning Leikai para ase koishe.Yete double Barrek banduk, Duita mobile phones, duita sim cards paishe koishe.
Aru alak Operation toh eki din te thakhishe. Yete Security khan para duita PREPAK group ke durishe Yairipok Pechi para. Etu toh Thoubal District te ase. Etu manu khan toh Lantham Poireiron Meitei (25) toh Chanam Santrok Awang leikai aru Chirom Rostam Singh (25) toh Kongba Laikhuram Leirak para ase koishe. Security agencies khan para koishe ki. Yete taikhan para investigation kuribole suru kuri dishe koishe.
Add Comment