Imphal, December 30, 2025: Manipur Security forces para tinta cadres ke dure she, tai khan PREPAK laga member ase. Tai khan ke alak alak operations te dure she, Imphal West aro Thoubal Districts te, dua din te.
Mota aro maiki kun PREPAK (G-5 faction) logo te link ase, December 29 te dure she, tai jun laga locality te, Lamphel police station laga betor te, Imphal West District te.
Durea khan laga nam toh Konthoujam Chaoba Meitei ase, tai laga sal toh 46 ase, aro tai toh Sagolband Tera Khuraijam Leikai para ase, aro tai laga maiki laga nam toh Kongthoujam Sharmila Leima ase, tai laga sal toh 43 ase. Tai laga ked urea homoi te phone ekta paishe koishe. Aro alak ekta operation te, ekta active cadre ke dure she, National Highway – 102 te, District Hospital gate lag asor te, Thoubal police station laga betor te. Tai toh PREPAK (PR0) laga member ase koishe. Tai laga nam toh Chandam Chandramani Singh ase koishe, tao laga sal toh 49 ase koishe. Aro tai toh Lairenkabi Maning Leikai para ase koishe, Imphal West district te. Officials khan para koishe ki etu arrest khan toh extortion rokho bole karne ase koishe aro betor manu khan laga activity rokha bole karne ase.
Add Comment