NEW DELHI: February 3 te National Centre for Disease Control (NCDC) para release kura khobor hesab te Rajasthan te swine flu sob para biya para lagishe. Aro etiya bhi Rajastan toh sob para biya para affect hoi kena ase. Rajasthan te etiya tok te bimar para 85 manu murishe. Aro 2,263 patients khan toh etu para affect hoi kena ase.
Ministry of Health and Family Welfare hesab te H1N1 virus para desh te etiya tok te 226 manu ke morai de kena ase. H1N1 toh swine flu para bhi janay.
Wednesday te health ministry khan para meeting kurishe . Etu meeting te Secretary Preeti Sudan para lead kurishe. Etu toh swine flu opor te deal kura review kuribole nimite thakishe.
Rajasthan laga situation sabole aro state ke etu uthi thaka cases ke handle kuribole paribole nimite Health ministry koishe tai khan Rajasthan te Public Health Team assign kurishe. Gujarat aro Punjab te additional teams khan ke etu situation toh sabole nimite assign kurishe.
Ministry para statement kurishe ke situation toh sabole regular video conferences kuri ase koishe. States khan ke district collectors khan ke invove kuribole advise kurishe. District collectors khan ke public awareness aro outbreak response nimite involve kuribole koishe.
Rajasthan pichete Gujarat te second bishi manu murishe. Gujarat te manu mura laga number toh 43 ase, Punjab te 30. Aro 2019 te 6,600 opor swine flu cases record kurishe.
Add Comment