Ekta Bangladeshi aro India tout ekta ke dure she Tripura police para

Tripura, January 4, 2026: January 3 te Tripura police para ekta Bangladeshi aro Indian tout ekta ke dure she, Sonamura Kamalnagar laga area te para, Sepahijala district laga betor para. Bangladeshi durea wala laga nam toh Main Uddin ase koishe, aro tai toh Bangaldesh laga Jamalpur para ase koishe. Aro Anik Hossain kun Indian manu ase, aro tai toh tout kurea manu ase koishe, aro tai toh Kamalnagar para ase koishe, kunto Sonamura Police station laga betor te ahea. Police para koishe ki Sonamura Police Station laga personnel para tai jun ke dure she sam phane. Tai jun ked urea piche, ekta case register kure deshe Sonamura Police station te, aro etia investigation khan ja ase, tai jun kile etu jaga te buhe thake laga opor te. Officials khan para koishe ki tai jun eki logo te thake she, aro tai jun bea tarika para border para ahea ase koishe. Tai jun ke January 4 te court laga ahge te ahne she.