Guwahati, January 5, 2026: Monday laga phuzur phane. 5.1 Magnitude laga Earthquake ahishe koishe. Etu toh Central Assam te ase koishe. Aru yete alak Northeastern Region khan tebi hilea toh janibole parishe. Yete para bishi manu ke chinta kurishe. Hoilebi kunbi murea nai aru Ghor khan bi eku bia hoa nai koishe.
National Centre for Seismology khan laga hisab te. Etu Earthquake toh 4.17 AM homoi te ulaishe koishe. Morigaon District te. Etu toh Brahmaputra laga Southern Bank phane ase koishe. Aru etu toh mati bitor 50 kilometre nishina ase. Yete Latitude toh 26.37 degree North aru Longitude toh 92.29 degree East te ase koishe.
Etu mati hilea toh Assam laga alak alak District te janibole parishe koishe. Yete Kamrup Metropolitan, Nagaon, East Karbi Anglong, West Karbi Anglong, Hojai, Dima Hasao, Golaghat, Jorhat, Sivasagar, Charaideo, Cachar, Karimganj, Hailakandi, Dhubri, South Salmara-Mankachar aru Goalpara khan sob tebi hilea toh janibole parishe.
Add Comment