Mumbai, 6 January : Jaa kunba saal te audience khan talented actors ke notun content pora phir pora discover kori paise. Experienced actors khan ke ekdom notun avatars te dekhi kene, taikhan laga acting aru craft pora phir pora mon di dise. Itu laga duita dangor examples hoise Bobby Deol aru Akshaye Khanna.
Ranbir Kapoor laga Animal (2023) film te Bobby Deol laga screentime kom ase aru dialogue ekta nai, kintu tai overnight sensation boni jaise. Alag side te, Akshaye Khanna Ranveer Singh laga Dhurandhar te Rehman Dakait hisab te nijor unmatchable aura dikhai dise aru internet laga latest obsession hoise. Etia imagine koribo pare ne, jodi Akshaye aru Bobby ekloge ahise, maybe taikhan laga 2002 film Humraaz laga sequel te?
Filmmaker Ratan Jain, jitu Humraaz produce korise (Akshaye Khanna, Bobby Deol aru Ameesha Patel-starrer), tai ekta notun interview te sequel laga possibility uporte kotha korise. Bollywood Hungama logot chat te, jitia taike itu kotha hudhile, Ratan Jain koise, “Moi Humraaz 2 bonabo parim jodi itu duita actors karone thik script pai. Ami eneka script lage juntu te taikhan role fit hobo aru age-appropriate bhi hobo.”
Bobby aru Akshaye uporte kotha kori kene, Ratan koise, “Bobby logot kaam kora ekdom bhal lage, aru Akshaye logot bhi. Akshaye karone, tai etiya jitu dangor success dekhise, tar pichete time settle hobo diya. Moi taike meet koribo try korim. Ami duijon bhal friends. Tai bhal films deserve kore.”
Etia Akshaye nijor next film Mahakali karone busy ase. Itu majote, fans bur Dhurandhar 2 te taike phir pora sabo karone eagerly wait kori ase, juntu March 19 te release hobo ase. Bobby onno side te, Alia Bhatt aru Sharvari logot Alpha film te join koribo.
Add Comment