ISBT Imphal aro Public Transport System khan juldi aro kam kurea shuru hoi jabo koishe

Imphal, January 11, 2026: January 10 te, Additional Chief Secretary for Textiles, Commerce & Industries and Transport, Anurag Bajpai para announce kure she ki, state capital te traffic khan komti kure bole aro rasta laga safety otha bole, Inter-State Bus Terminal (ISBT) khan juldi kam kure bole shuru hoi jabole ase koishe. Bajpai para etu announcement toh media sensitisation programme te kure she, kunto National Road Safety Month 2026 logo connection thake kena organise kure she. Etu event laga theme toh “Strengthening Media Partnership for Safer Roads” thake she, aro etu event toh Tansport Department, Government of Manipur para organise kure she, Directorate of Information and Public Relation (DIPR) laga conference hall te. Chief guest, Bajpai para tai laga munduk laga khota koishe ki, Manipur laga rasta accident rate toh beshe ho ase, etia Manipur laga accident rate toh National lag average ke be borta ase koishe. Tai aro koishe ki, Government khan beshe measures khan lo ase, aro traffic laga rules khan be strict kure dea ase, accident komti kure bole.