Imphal, January 12, 2026: January 12, Monday din te. Police khan para koishe ki. Manipur laga Tengnoupal District te operation kurishe koishe. Yete Security Forces khan para 3da drug bika manu ke durishe koishe. Taikhan laga haat para 5.89 kg laga Yaba Tablets durishe. Etu toh Checkpoint para.
Etu arrest khan toh gari para jai thakhi kina. Tengnoupal te rukhai dishe koishe. Aru taikhan toh James Baite (28), Hatneikim Baite (50) aru David T Mate (41) ase koishe. Police khan para koishe ki. Etu saman khan toh Rs 1 Crore laga daam ase koishe.
International Agencies khan laga hisab te. Etu Yaba laga matlab toh ‘Crazy Medicine’ ase koishe thai te. Aru etu dawai toh methamphetamine ase. Aru etu toh stimulant bishi dea koishe. Etu drugs toh sobse first East Asia te ulaishekoishe. World War II te. Yete sepai khan ke taikhan ke mun dangor kuribole karne. Hoilebi etea Southeast Asia Countries khan te bia tarika para chulai ase.
Police khan etea Investigation khan kurea ase koishe. Etu drugs toh kote para ahishe. Aru dangor link khan duribole karne.
Add Comment