January 12, 2026, 07:00 PM: Itu Peshu Students’ Union (PSU) toh hoiley ekta historic milestone tey punchishey, tai khan laga 25th Anniversary celebrate kuri thaki kena, 12th January, 2026 tey, Peshu village, Noklak tey. Itu momentous occasion toh hoiley Youth Resources & Sports nimitey MLA & Advisor aru Shamator DPDB laga Chairman – S Keoshu Yimkhiung toh hoiley tatey Special Guest hisap buhi kena.
Tatey jama kuria manu khan ke address kuri kena, student khan aru community member khan laga, itu Advisor, S Keoshu Yimkhiung para ekta shipt emphasize kurishey, keneka itu youth khan physical activity khan toh perceive kurey koi kena. Tai para point out kurishey ki, sports khan toh hiley ekta “fun activity” hisap tey nasaboley lagey koishey, nahoilebi eka hobi nishina nasaboley lagey koishey, hoilebi itu sports ke toh ekta professional raasta hisap saboley koishey.
Yimkhiung para tatey jama kuria manu khan ke tai khan nijey laga hidden talent khan bisariboley encourage kurishey, aru dedication logotey polish kuriboley koishey aru utu ke career hisap pursue kuriboley koishey. Tai para highlight kurishey ki, itu modern sports industry toh hoiley bishi opportunity offer kurey aru itu para ekta successful future nimitey raasta khuliboley pari asey, aru itu saath saath itu youth khan toh discipline thakibo aru tai khan laga craft tey focused thakibo.
DPDB Shamator laga Chairman hisap bhi thaki kena, tai para itu region laga growth laga importance note kurishey tai khan youth para. Tai para itu PSU member khan ke challenge kurishey, itu 25th anniversary milestone toh ekta launching pad hisap chulaboley, excellence nimitey, khali academic khan nimitey ekla nahoi kena, hoilebi sports aru physical resources laga arena tey bhi.
Itu union ke tai khan laga 25 saal laga service nimitey congratulate kuri kena, itu student community karney, MLA aru General Secretary, Nagaland Football Association, Chairman, Governing Body NSL, Benei M Lamthiu para tai khan laga initiative ke naam uthai dishey, sport ke importance diya tey. Itu athlete khan aru youth ke address kuri kena, tai para emphasize kurishey ki, sports khan toh hoiley ekta vital tool asey, community build kuriboley nimitey. Tai para itu player khan ke encourage kurishey, itu fair play laga aob para ucha laga standard khan maintain rakhiboley aru unity laga spirit tey compete kuriboley koishey, tai khan remind kuri kena ki, itu file dtey discipline learn kuria toh hoiley essential asey, life goal khan achieve kuriboley nimitey.
Formal session shuru nakuria agetey, itu ceremony toh hoiley itu Jubilee Monolith unveil kuri kena mark kurishey. Itu pichetey flag hoist kurishey, Peshu Students’ Union nimitey pride laga homoi mark kuri kena, tai khan itu milestone 25 saal anniversary celebrate kuria laga.
Itu Silver Jubilee celebration tey toh hoiley, alag alag bosti laga elder khan, student leader khan aru delegate khan para attend kuria laga thakishey, ekta quarter-century mark kuri kena, itu Union laga commitment laga, itu student community karney, Peshu laga.
Add Comment