Aizawl, January 13, 2026: National TB Elimination Programme (NTEP) para official data release kurea laga hesab te Mizoram te 145 manu mure she tuberculosis (TB) karne, 2025 sal te, etu sobse beshe ase koishe, ja six sal laga betor te.
2025 lafa sal te 2,275 manu TB ase koine jane she, aro etu te 911 toh maiki thake she. 2024 te toh 2,292 manu TB dure she, 2025 ke be borta thake she, hoile be manu TB para murea toh 2025 te he norta ase. 2025 laga cases khan te, 1,900 toh government health facilities para jane she, aro 375 case toh private centers para jane she.
Official figures khan para de khe bole pare she ki state laga TB case toh 2020 para uthea ase. 2020 te 31 manu mure she TB karne, aro 2021 te 46 manu mure she, 2022 te toh 46 manu mure she, 2023 te 119 manu mure she, 2024 te 136 manu mure she, aro 2025 te 145 manu mure she TB karne.
Etu sal laga kumba cases khan te, 146 manu toh multi-drug-resistant tuberculosis (MDR-TB) ase, (MDR-TB mat lab TB kunto dawai affect affect nathakea), aro 267 manu toh TB aro HIV/AIDS be ase koishe. Aro 141 nutun cases khan sob 14 sal betor bacha khan he ase koishe.
Add Comment