New Delhi, January 16, 2026: Etu din te beshe bhal matches khan thake she, hoile be India Open badminton laga tin din karne toh, attention khan sob Indira Gandhi Indoor Stadium laga hal opor te he thake she.
Cherea khan beshe ure thake she practice court laga opor te, aro bandor khan stand te be thake she, ja din khan te. Hoile be Thursday laga match toh thik competition laga betor te thake she, Court 1 te HS Prannoy aro Loh Kean Yew khelea homoi, dua bar cherea khan paikhana kure kena khelea toh ro khai de she koishe. Officials khan tissue loi kena sapa kurea toh de khe bole pare she. First game aro third game enia hoi she koishe. Prannoy toh match toh khelea piche te koi she ki, cherea laga paikhana thake she.
BAI khan enia ho toh beshe khota kure kena mana kurea ase. Thursday laga match te enia ho toh beshe sawal otha ase, August te World Championship khele bole karne. BAI khan etu karne beshe sorom kha ase, aro BWF kun jaga toh sa ase, tai khan laga review be bea hobole.
City laga moila aro weather toh khelea manu khan para be etu opor te khota ola ase.
Add Comment