Bengaluru, January 16, 2026: Opener Aman Mokhade para tai laga fifth century mare she, 2025-26 Vijay Hazare Trophy te, Vidarbha khan para defending champion Karnataka kha ke harai de she, six wickets para, final te goshe bole ase tai khan.
Sunday te, Vidarbha khan Punjab aro Saurashtra laga betor kun jete bo, etu logo te khele bole ase, tai khan chance pabole ase, domestic 50 over title jete bole.
Vidarbha kahn toss toh hare she, hoile be beshe bhal para bowling kure she, tai khan Karnataka khan ke 280 khale bole de she, aro etu piche te beshe bhal para batting kure she.
Aro etu match laga runs para Mokhade toh Devdutt Padikkal ke par kure de she, etu edition lafa run-getters list te, tai etu edition te 781 runs polai kena ase. Karnataka laga batter R. Smaran toh etu match te khele bole pare nai, shoulder thik natha kea karne. Aro V. Vyshak be khale four overs karne bowling kure she, matha te jokhom laga kena thakea karne.
Karnataka khan 280 runs polai she, 49.4 overs te. Aro Vidarbha khan 284/4 polai she, 46.2 overs te.
Add Comment