Dhaka, 17 January : Bangladesh laga cricketer khan, “game laga dangor interest” hisab te, boycott tu call off kori dise, jitia Bangladesh Cricket Board (BCB) aru Players’ Welfare Association majot consensus ahise. Itu pichete Friday din scheduled BPL (Bangladesh Premier League) T20 match khan wapas shuru hoise.
BCB Thursday din itu situation face korise ki tai khan laga flagship T20 league pura rukhi jabo pare, jitia senior national players khan director Najmul Islam laga against revolt korise, tai laga disparaging comments karone.
Situation control koribo karone BCB damage control mode te jai, aru Najmul ke finance committee laga head position pora hatai dise, juntu step tu itu time te situation handle koribo help korise kuina dhora jai.
Cricketers’ Welfare Association of Bangladesh (CWAB) laga president Mohammad Mithun koi dise ki players khan laga bhal karone kunba compromise koribo lagise.
Thursday ratite board premises te press conference te, jitia BCB director Iftekhar Rahman Mithun laga logote ase, Mithun koi dise,
“Cricket laga dangor interest matha te rakhi, ami kalika (Friday) pora wapas kheli shuru koribo.”
Tai aru koi dise,
“BCB khan amik assurance dise ki tai khan M. Nazmul Islam logote kotha patibo aru amik laga demands khan joldi pora joldi pura koribo.”
Thursday din abandoned kora duita BPL match, etiya Friday din khelibo.
Add Comment