January 18, 2026: Australian Open laga first round match khelea homoi, ekta ball girl toh faint hoi she, beshe gorom ho karne, aro match ke rokhai de she. Duata khelare be, Zeynep Sonmez aro Ekaterina Alexandrova be juldi jai kena modok kure she. Russia khan laga 11th seed Alexandrova para second set te serve kurea hoimoi, ball girl toh gere jai she, Umpire laga sit laga osor te para. Tai khan ice bag khan courtside para ane kena maiki ke de she, etu piche te medical attention pai she. Match toh beshe minute karne rokhai de she, aro gorom toh 28 Celsius te thake she koi she. Match toh wapas shuru ho piche, qualifier Sonmez para Alexandrova ke 7-5, 4-6, 6-4 para hara de she, kunto tai laga career laga sob se dangor jetea laga ase koi she.
Ja sal laga Wimbledon te be headline banai she, tai Turkey laga first khelare thake she kun third round te punche she, Grand Slam laga competition te. Tai aha match te America laga wildcard Elizabeth Mandlik nahoi le Hungary laga Anna Bondar logo te khele bole ase koi she. Gorm toh 40 C neshe na punche jai koi she, Australian Open khelea homoi. Weather forecast laga hesab te aha haft ate gorom toh 36 C te punche bo ko ase.
Add Comment